Tahirin’ny vary eto amin’ny faritra Analamanga
Araka ny nambaran’ny Talen’ny Foibem-pitondranan’ny Indostria, ny Varotra ary ny Asatanana eto amin’ny faritra Analamanga Rtoa Hanitriniaina Ranarison (DRICA Analamanga) dia tsy misy ny ahiahy mikasika ny tahirin’ny vary eto amin’ny faritra Analamanga amin’izao fotoan’ny fihibohana izao.
✅ Raha ny mikasika ny tsena Anosibe ohatra dia misy vary vokatra eto an-toerana 100 taonina tonga isan’andro hoy hatrany ny DRICA Analamanga
✅ Mbola misy ihany koa ny vary nafarana any amin’ny seranan-tsambo any Toamasina
🔴 Namafisiny hatrany ny fanaraha-mason’ny varotra ataon’ny eo anivon’ny Minisiteran’ny Indostria, ny Varotra ary ny Asatanana manerana ny tsena sy ny mpivarotra eto Antananarivo
✅ Ny vontoatin’ny fanahara-maso dia manamarina hatrany ny fampiaran’ny mpandraharaha ara-barotra ireo fepetra ara-pahasalamana ary koa manamarina ny vidin’ny entana, ny tahiry ary ny taratasy filazam-bidy hisorohana ny mety ho fanararaotana amin’izao vaninandro sarotra ara-pahasalamana izao
🔴 Amin’ny ankapobe dia manaja ireo fepetra ara-barotra sy ireo fepetra ara-pahasalamana avokoa ny mpivarotra sy ny mpamongady hiadiana amin’ny fiparitahan’ny valan’aretina Covid19 araka ny tenin’ny DRICA
✅ Na izany aza dia manentana ireo mpivarotra hatrany ny Minisitera hanisy ny “gel” afaka ampiasan’ireo mpanjifa
