Vaovao Songadina avy any amin’ny faritra Menabe, Itasy sy Amoron’i Mania: Amperin’asa ny DRICC amin’ny fanamaivanana ny fahasahiranan’ny mpanjifa vary amin’izao fidirana amin’ny maitso ahitra izao
MENABE: Efa ahitana Vary nafarana, amin’ny vidiny 750 Ar/kapoaka, ao amin’ny tsenan’i Morondava nanomboka ny Alakamisy 05 Janoary 2022. Nahitam-bokatra araka izany ny dinika niaraka tamin’ireo mpamongady ny volana novambra tamin’ny taon-dasa. Mpamongady 3 no mamatsy Vary nafarana an’i Menabe. Nisy fiakarany moa ny vidin’ny Vary gasy ka 800 Ar hatramin’ny 850 Ar/kapoaka ny Vary bory raha 900 Ar ka hatramin’ny 1000 Ar ny Angiky (Riz de luxe).ITASY: 650 Ar ka hatramin’ny 800 Ar/kapoaka ny Vary nafarana any an-toerana amin’izao fotoana izao. Izany hoe 2400Ar ny kilao. Manodidina ny 2600 Ar ka hatramin’ny 2850 AR/kg kosa ny Vary zanatany. Mitohy hatrany ny asa fanaraha-maso ireo vidin’entana sy PPN eny an-tsena. Tsy misy fiovana loatra ny vidiny amin’ny ankapobeny. Ampy ny tahiry raha ho an’ny faritra manokana.AMORON’I MANIA: Efa misy Vary aloha miakatra any Soavina sy Ambondromisotra. Mbola tsy ahitana fiantraikany amin’ny vidin’ny Vary zanatany anefa izany noho ny haratsian’ny lalana ka tsy tafidina any an-toerana ny mpanangom-bokatra. Maro ireo karazana Vary nafarana hita eny an-tsena fa ny vidiny farany ambony no nahitana fiakarany 3000 AR ny gony. Ny makalioka no niakatra 50 Ar ny kapoaka fa tsy niova kosa ny vidiny amin’ny gony.SARY DRICC
