8 Marsa: Miarahaba an’ireo vehivavy mpiara-miasa aminy ato amin’ny Minisitera sy ny vehivavy malagasy rehetra ny Minisitra Edgard RAZAFINDRAVAHY amin’izao andro iraisam-pirenena ho an’ny zon’ny vehivavy izao.

Maro ireo vehivavy mitana andraikitra lehibe ato amin’ny Departemanta tantanany dia ny Minisiteran’ny Fampiroboroboana ny Indostria, ny Varotra sy ny Fanjifana (MICC).

Vehivavy ny 11 amin’ireo mpikambana 25 ao amin’ny Staff manodidina ny Minisitra aty amin’ny foibe. Amin’ireo Talem-paritra 20 voatendry koa dia vehivavy ny 7.

Manerana ny Nosy moa dia maro an’isa ny vehivavy mpiasan’ny MICC raha mitaha amin’ny lehilahy. Vehivavy avokoa ny 681 raha 628 ny lehilahy.

Manana ny toerany eo amin’ny firenena ny vehivavy.

Nandray anjara tamin’ny hetsika sy ny filaharana teo amin’ny Kianja Barea Mahamasina ny vehivavy avy amin’ny MICC.