Akon’ny fananganan-tsaina notarihin’Andriamatoa Minisitry ny MICC anio 06 desambra 2021

« Mamarana ny taona 2021 isika, telo volana no nandraisako ny fitantanana ny Minisitera. Tsy nandry andro sy alina, mikatsaka izay hahasoa ny fiainan’ny mponina, indrindra fa ny vanim-potoana sarotra eo amin’ny vidin’ny entana ilain’ny mponina.
Na izany aza, tsy nitarai-tana miepaka ny tenako sy ny mpiara-miasa amiko, mitady ny hahasoa ny vahoaka. »
Tao anatin’ny telo volana, nametraka vina sy tanjona ny Minisiteran’ny Fampiroboroboana ny Indostria, ny Varotra ary ny Fanjifana. Anisan’izany ny Taninketsa Indostrialy, ao anatin’ny Veliranon’ny Filoham-pirenena. Efa misy sorabolam-pamokarana zato vonona afahana mametraka lambanam-pihariana indostrialy isaky ny kaominina.
Nohamafisin’ny Minisitra Edgard Razafindravahy, fa handray ny taona vaovao tsy ho ela isika, hanatsarana hatrany fomba fiasa.
Nitondra fanazavana teo anoloan’ny mpiara-miasa aminy ny Minisitra, amin’izay mety fahadisoam-pijery. Nanafatra simenitra ny fitondram-panjakana mba hahamari-toerana ny vidiny. Nanome toromarika ny Minisitra, hanao opération, ka tsy hijanona ao Toamasina ihany ny fakan’ny mpamongady ny entana, mba hampihenana ny fandaniana, saingy tokony ara-drariny no vidin’ny entana. Handray andraikitra ny fanjakana amin’ny fanaraha – maso. Nomarihany fa ny Minisitera tsy mpivarotra vary, fa ny SPM no nomena andraikitra izany.

Vous aimerez aussi...